POESIA = ANTONIO SPAGNUOLO

“ ’Na lampa ”
Dimmello tu si t’arricuorde ancora
‘e corze ca facevamo ogni gghiuorno
pe’ ci arrubba’ ‘nu vaso into ‘a controra
senza pensà a chi ce steva attuorno.
Te venevo a truvà appena a sera
e annascuso te dicevo ammore,
ogni carezza era primmavera
ogni suspiro me regneva ‘o core.
Mo’ guardo cchesta lampa annanzo ‘o marmo
e nun ci credo ca staie nchiusa areto,
me roseca ’o core cchistu tarmo,
sulo e arravugliato , nun m’acqueto.
*
ANTONIO SPAGNUOLO